İlisu Milli Parkı: şəlalə, dərə və Qaxın meşələri

İlisu Milli Parkı Qax rayonunda, Böyük Qafqazın cənub yamacındadır. Ölçüsünə görə orta böyüklükdə olsa da, marşrut sıxlığına görə ən işlək parklardan biridir: giriş nöqtəsindən bir neçə saat ərzində şəlaləyə, dar dərəyə və meşə cığırlarına çatmaq olur.

İlisu kəndi

Park adını qapısındakı kənddən alır. İlisu tarixən sultanlığın mərkəzi olub və bu gün də orta əsr körpüsü, Sumuq qala və daş memarlığı ilə tanınır. Kəndin özü marşrutdan əvvəl və sonra vaxt keçirmək üçün ayrıca bir səbəbdir.

Ətrafda kükürdlü isti bulaqlar — "İlisu hamamları" var; yürüşdən sonra çox məntiqli bir dayanacaqdır.

Əsas marşrutlar

Qoçyataq şəlaləsi. Parkın ən tanınan hədəfi. Uzun illər müxtəlif səbəblərdən bağlı qalmış marşrut yenidən açılıb və indi bir günlük yürüşlə gedilir. Cığır dərə boyunca qalxır, bir neçə dəfə su keçidi olur — ayaqqabının islanacağını nəzərə alın.

Ətraf təpələr və mənzərə nöqtələri. Daha qısa marşrutlar; yarım günlük formatlar üçün.

Meşə cığırları. Palıd, fıstıq və vələs meşəsi; yayda belə kölgəli və sərin.

Nə vaxt getməli

• Aprel–iyun: şəlalələr ən güclü vaxt (qar suları).
• Sentyabr–noyabr: ən sabit hava, payız rəngləri.
• Yay: mümkündür, meşə sərin saxlayır, amma su səviyyəsi düşür.
• Qış: aşağı marşrutlar açıqdır; donmuş şəlalə ayrı gözəllikdədir, amma cığır sürüşkəndir.

Bölgənin bir xüsusiyyəti: Qax və Zaqatala yağıntıya görə ölkənin ən nəm bölgələrindəndir. Proqnozda az yağış görünsə də, yağmurluğu çantadan çıxarmayın.

Praktik qeydlər

• Parka giriş ödənişlidir və qapıda qeydiyyat aparılır.
• Dərə marşrutlarında yağışdan sonra su səviyyəsi qalxır; keçidlər çətinləşir və bəzən marşrut bağlanır. Yerli bələdçi bu qərarı sizin üçün verir.
• Ərazidə ayı var. Sıx meşədə səsli getmək qaydası burada praktik məsələdir — bu barədə ayrıca yazımız.
• Bakıdan məsafə təxminən 350 km. Bir günlük tur üçün erkən çıxış; iki günlük formatda Qax və Şəki birlikdə planlanır.

Yaxınlıqdakılar

Qax–Zaqatala–Şəki üçbucağı bir həftəsonuna asan sığır: Şəki, Xan yaylağı yürüşü, Qax, Qoçyataq şəlaləsi hikingi, Qax kampı: Qoçyataq şəlaləsi və İlisu hamamları.