Astaranın şəlalələri: bir bölgə, dörd fərqli marşrut

Talış dağları Azərbaycanda şəlalə sıxlığına görə birinci yerdədir. Astara ətrafında bir neçə marşrut var və hamısı eyni çətinlikdə deyil — seçim ayağınıza görə edilməlidir.

Avyarud — 4 km, orta

Ən yığcam variant. Pəlikəş kəndindən başlanır, məsafə cəmi 4 km. İlk dəfə Astaraya gedənlər üçün ən rahat giriş nöqtəsi.

→ Astara, Avyarud şəlaləsi yürüşü

Sım kəndi: Dustaqxana və Şırhal — orta

Sım kəndinə çatandan sonra şəlalələrə dağ maşınları ilə yaxınlaşılır, sonra yürüş başlayır. Yazda su ən gur vaxtındadır — bu marşrut üçün ən yaxşı mövsüm aprel–may.

→ Astara, Sım kəndi yürüşü

Şi şəlaləsi — 14 km, orta–çətin

Talış meşələrindən keçib 60 metr hündürlüyü olan Şi şəlaləsinə çıxılır. Yol boyu Diqo və Ayvarud kəndlərinin mənzərəsi var. Uzun gündür: toplanış səhər 6-da, şəlaləyə çatmaq üçün ciddi yürüş lazımdır.

→ Astaranın nəhəng Şi şəlaləsinə yürüş

Sım ➝ Siyov ➝ Bəndəsər — 17.5 km, çətin

Üç kənd, bir gün, 17.5 kilometr. Sitrus bağları, kənd yolları və Hirkan Milli Parkının meşələri. Toplanış 04:45-dir — bu, marşrutun uzunluğu barədə hər şeyi deyir.

→ Astara – Sım ➝ Siyov ➝ Bəndəsər

Astara marşrutlarında üç incəlik

Rütubət. Talış meşəsi ölkənin ən rütubətli yeridir. Tərləyəndən sonra köynək quruMUR — ehtiyat köynək çantada olsun.

Sürüşkənlik. Şəlalə ətrafındakı daşlar həmişə yaşdır və yosunlu olur. Ayaqqabının altlığı burada ən vacib avadanlıqdır.

Zəli və gənə. Rütubətli meşədə mövsümündə rast gəlinir. Uzun corab, şalvarın balağını corabın içinə salmaq və turdan sonra bədəni yoxlamaq adi qaydadır.

Astaranın ən yaxşı tərəfi şəlalələr deyil — sitrus bağlarının arasından keçən kənd yollarıdır. Marşrutu tələsdirməyin.

Davamı: Lerikin üç şəlaləsi.