Tağlabiyan - Niyaldağ - Lahıc yürüşü

İsmayıllı rayonunun qədim Tağlabiyan kəndindən başlayacaq birgünlük yürüşümüzdə meşə və dağ cığırları ilə Böyük Qafqaz Suayırıcı silsiləsinin şərqində, 2053 metr hündürlükdə yerləşən Niyal dağının zirvəsinə qalxacacaq, oradan isə Lahıc kəndinə yürüş edəcəyik. Yolboyu Zərnəva və Mücü kəndlərinin gözəl mənzərələrini izləyəcək, Niyaldağ zirvədən dörd bir tərəfə açılan möhtəşəm dağ panoraması ilə yürüşümüzün ən unudulmaz anlarını yaşayacağıq və Lahıc kəndində başa vuracağıq. Bu möhtəşəm mənzərəli yürüşümüz nisbətən çətin və sadə olmayan marştur axtaranların ən sevdiyi seçimlərindən olacaqdır!